Mae'r plant sydd yn mynychu Clwb Carco Garth Olwg yn cael y cyfle i wneud ychydig o grochenwaith bob yn ail Nos Fercher fel rhan o ddarpariaeth y Clwb. Mae'r Clwb yn cael defnydd o 'stafell arbennig ar gampws Garth Olwg ac yn llythrennol yn mynd yn "potty".

Mi fydd y Fenter yn cynnal cynllun drama Cymraeg yn Aberdâr yn y flwyddyn newydd. Cynhelir y cynllun yng Nghanolfan Cwmamam a mi fydd yn agored i ddisgyblion Ysgolion Cynradd yr ardal a mi fydd mewn 2 sesiwn awr yn cychwyn am 4.00 y.h. Bwriadir iddo ddechrau ar Nos Lun, Ionawr 12fed 2009 a rhedeg tan yr Hâf ( gyda toriadau adeg gwyliau ysgol). Mae'r niferoedd yn gyfyngedig a felly os oes gennych ddiddordeb i'ch plentyn fynychu'r cynllun, cysylltwch â'r Fenter ar naill ai 01443 226386 neu 01685 882299. Hefyd allwch chi ofyn am fanylion pellach ar e-bost : prifswyddog@menteriaith.org

Nodyn pellach i'ch dyddiadur,cynhelir y Cyfarfod Blynyddol eleni ar Nos Iau, Tachwedd 13eg, yn ystafell RD119, Coleg Morgannwg, Campws Llwynypia am 7.30 y.h. Mae’r ystafell iw ddarganfod yn y bloc theatr newydd. Bydd na luniaeth ysgafn ar gael yn ogystal â’r cyfle i chi weld y ffilmiau a gynhyrchwyd gan bobl ifanc y Sir sydd wedi profi mor lwyddiannus. Hefyd gallwch brofi anerchiadau difyr ( a byr ! ) swyddogion y Fenter. Mae ‘na groeso hefyd i unigolion sydd eisiau cymeryd rhan mwy blaenllaw yn weithgareddau’r Fenter i ymuno â Phwyllgorau’r Fenter, gan gynnwys y Pwyllgor Gwaith. Os hoffwch wneud, dewch gydag eilydd a ffrindiau lu !

Cafwyd noson lwyddiannus yng Nghlwb y Bont, Pontypridd nos Wener Hydref 17eg pan ddaeth Las Vegas i Bontypridd. Noson casino cyntaf y Fenter a wnaeth neb colli crys ond ddaeth ambell un yn agos!! 'Roedd ennillwyr mawr ag ambell i gollwr sâl ond wnaeth bawb fwynhau a gadael yn ffrindiau ar ddiwedd y noson.....rwy'n credu !!??